Երևան-Արմավիր-ՀՀ սահման ճանապարհի երեք հատվածներում հիմնանորոգման աշխատանքներ են

Մ-5, Երևան – Արմավիր – ՀՀ սահման միջպետական նշանակության ավտոճանապարհի երեք հատվածներում (կմ17+530-կմ18+200, կմ 25+593-կմ29+385 և կմ32+675-կմ33+833) կատարվում են հիմնանորոգման աշխատանքներ։ Այս մասին հայտնում են «Ճանապարհային դեպարտամենտ» հիմնադրամից։

Արմավիրի մարզով անցնող հիմնանորոգվող ճանապարհի ընդհանուր երկարությունը 5,62կմ է։ Ճանապարհի որոշ հատվածներում արդեն տեղադրվել է ասֆալտբետոնե ծածկ‚ տարբեր հատվածներում կատարվում են ճանապարհային հագուստի քանդման‚ հողային և այլ աշխատանքներ։

Նախագծով նախատեսված է նաև կմ 35+457 – կմ 37+054 տեղամասում ջրահեռացման համակարգի վերականգնում։

Կնորոգվեն նաև ճանապարհին առկա թունելն ու կամուրջը։

Շինարարությունը կատարում է «Եվրոբուդ Պլյուս» ՍՊԸ-ն։

Շինաշխատանքների պայմանագրային արժեքն է մոտ 2 մլրդ 376 մլն դրամ։

Ֆինանսավորումը՝ ՀՀ պետական բյուջեից։

Related posts

Հանգստյան ուղեգրերի օրերի կրկնապատկման պատրվակով 68 քաղաքացուց 9 մլն դրամ է հափշտակել. ՔԿ

Թուրքիայում շարունակվում են սիրիացի միգրանտներին արտաքսելու պահանջով ցույցերը

Առաջիկա օրերին ժամանակ առ ժամանակ սպասվում են անձրև և ամպրոպ, առանձին հատվածներում՝ կարկուտ