Երևանում բեռնատար գնացքն այսօր բախվել է գծերի վրայով անցնող տարեց կնոջը, որը տեղում մահացել է։ Տեղեկությունը հայտնում է shamshyan.com-ը։
Ըստ հաղորդագրության` ժամը 15։00-ի սահմաններում ՀՀ ներքին գործերի նախարարության ոստիկանության Շենգավիթի բաժինն ահազանգ է ստացել, որ Աերացիա թաղամասով անցնող գնացքի գծերի վրա քաղաքացին ընկել է գնացքի տակ և տեղում մահացել։
Ոստիկանության Չարբախի բաժանմունքի ծառայողները պարզել են, որ մահացածը Երևանի բնակիչ 71-ամյա ալվարդ Թ․-ն է։ Ոստիկանությունն ու քննչական բաժինը պարզում են բեռնատար գնացքավարի ինքնությունը։
Կան տեղեկություններ, որ գնացքավարը նկատել է գնացքի գծերի վրայով անցնող քաղաքացուն, մի քանի անգամ շչակ է միացրել, սակայն օգուտ չի տվել, իսկ գնացքը չէր կարող կտրուկ արգելակել։
Դեպքի առթիվ քրեական վարույթ է նախաձեռնվել։