2022 թվականի հունվարին Գյումրու համայնքապետարանի կողմից քաղաքում տեղադրված սրճեփ սարքերի գույքագրման արդյունքում պարզվել է, որ դրանք 120-ից ավելի են: Սակայն 2021 թվականին բացօթյա առեւտրի համար գործունեության ամսական 8000 դրամ վճարումը կատարել էին սեփականատերերից 15-ը միայն:
Երբ զգուշացումներից եւ բանակցություններից հետո սեփականատերերի որոշ հատվածը եւս վճարում կատարեց, համայնքապետարանը որոշեց մնացած մասին պատկանող սրճեփ սարքերը ապամոնտաժել: Այսօր համայնքապետարանի Գովազդի, առեւտրի եւ սպասարկման ոլորտի համակարգման բաժնի աշխատակիցները գնացին այդ սրճեփ սարքերի ուղղությամբ: