Մայիսի 9-ի Եվրոպայի օրվան նվիրված միջոցառումների շրջանակներում Հայաստանում Եվրոպական միության պատվիրակությունը «Թումո Գյումրիում» իրականացրեց «Երիտասարդներն ու նորարարությունը Հայաստանում» թեմատիկ քննարկումը: Ներկաներին ողջունեց Հայաստանում Եվրոպական միության դեսպան, ԵՄ պատվիրակության ղեկավար Անդրեա Վիկտորինը: Ներկայացվեցին «Երիտասարդներն ու նորարարությունը Գյումրիում» ոլորտին առնչվող վերջին փոփոխությունները, զարգացումները, ինչպես նաեւ առկա հնարավորություններն ու հեռանկարները Հայաստանում: