Եվրոպական խորհուրդը ներկայացրել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ Եվրոպական խորհրդի նախագահ Շառլ Միշելի հանդիպումների ժամանակացույցը։
Մասնավորապես, նշվում է, որ այսօր՝ մայիսի 13-ին, Երևանի ժամանակով 21:00-ին, տեղի կունենա Շառլ Միշելի հանդիպումը Նիկոլ Փաշինյանի հետ։ Մայիսի 14-ին՝ Երևանի ժամանակով 11․00-ին, նշանակված է Միշելի հանդիպումը Ալիևի հետ, իսկ Հայաստանի և Ադրբեջանի ղեկավարների հետ Շառլ Միշելի եռակողմ հանդիպումը նշանակված է վաղը՝ Երևանի ժամանակով 15.00-ին։