Ֆրանսիայի արտաքին գործերի նախարար Կետրին Կոլոնան աշխատանքային այցով Կիևում է։ Ուկրաինայի ԱԳ նախարար Դմիտրո Կուլեբայի հետ հանդիպմանը նա վստահեցրել է, որ Փարիզը կշարունակի աջակցել Ուկրաինայի տարածքային ամբողջականությունը և երբեք չի ճանաչի Դոնբասում, Զապորոժիեում և Խերսոնում Ռուսաստանին միանալու հարցով հանրաքվեների արդյունքները:
Ֆրանսիացի դիվանագետի խոսքով՝ Եվրամիությունը համապատասխան պատժամիջոցներ կսահմանի Մոսկվայի դեմ: Նա նշել է, որ կշարունակեն Կիևին տնտեսական, հումանիտար, ռազմական և դիվանագիտական օգնությունը նույնիսկ հակամարտության ավարտից հետո:
Կոլոնան նաև քննադատել է Ռուսաստանում մասնակի զորահավաքը և միջուկային զենքի հնարավոր կիրառման մասին հայտարարությունները:
Ուկրաինայի ԱԳ նախարար Դմիտրո Կուլեբան իր հերթին զգուշացրել է՝ ռուսական կողմի որոշումները որևէ ազդեցություն չեն ունենա մարտի դաշտում Ուկրաինայի քաղաքականության և գործողությունների վրա: «Ռուսաստանը չի ցանկանում բանակցել: Դա անհնար է հենց նրանց դիրքորոշման պատճառով»,- ասել է Ուկրաինայի գլխավոր դիվանագետը: