«ԱՌՔ» բարեգործական հիմնադրամի շնորհիվ Գյումրիում ևս 8 ընտանիքների հնարավորություն տրվեց տնակային պայմաններից դուրս գալու։ Բնակարան կամ տուն ձեռք բերելու համար 50%-ը վճարել է հիմնադրամը, մյուս մասը վճարում է գնորդ հանդիսացող ընտանիքը՝ 10 տարիների ընթացքում և դառնում բնակարանի սեփականատեր։ Հիմնադրամի ներկայացուցիչներն ու Գյումրի համայնքի ղեկավար Վարդգես Սամսոնյանը այցելեցին մեկ բնակարան ու մեկ տուն՝ տեսնելու, թե ինչ պայմաններում են ապրելու բազմանդամ ընտանիքները։