Եվրախորհրդարանի և ԵՄ խորհրդի բանակցողները մայիսի 20-ի առավոտյան նախնական համաձայնության են եկել չեղարկել ԱՄՆ-ից բոլոր արդյունաբերական ապրանքների ներմուծման համար սահմանված ԵՄ-ի մաքսատուրքերը, ինչպես նաև ամերիկյան ծովամթերքի և գյուղատնտեսական արտադրանքի որոշակի տեսակների համար արտոնյալ մուտք տրամադրել եվրոպական շուկաներ։
Դրանով Եվրամիությունը մոտենում է 2025 թվականի հուլիսին Բրյուսելի և Վաշինգտոնի միջև կնքված գործարքի իր մասի կատարմանը։ Այս քայլը, հավանաբար, թույլ կտա կանխել ԵՄ-ից ապրանքների համար ամերիկյան մաքսատուրքերի բարձրացումը, նշում Է AFP գործակալությունը:
Մամուլի հաղորդագրության համաձայն՝ ամերիկյան արդյունաբերական ապրանքների համար ներմուծման մաքսատուրքերը վերացնելու որոշումն ուժի մեջ է լինելու մինչև 2029 թվականի վերջը։ Դրա դիմաց ԱՄՆ-ն կպահպանի 15% մաքսատուրքերը եվրոպական արտահանման համար բոլոր ոլորտներում` բացառությամբ պողպատի և ալյումինի, որոնց համար կգործի 50 տոկոս դրույքաչափը։
Միացյալ Նահանգները շարունակում է մնալ Եվրամիության խոշորագույն առևտրային գործընկերը, նրանց տնտեսական հարաբերություններին բաժին է ընկնում համաշխարհային առևտրի գրեթե 30 տոկոսը, ասվում է ԵՄ խորհրդի մամուլի հաղորդագրության մեջ: