Որևէ մեկիս համար գաղտնիք չէ, որ իրականում դպրոցական միջոցառումները լավագույն միջոցառումները չեն: ԱԺ-ում, ի պատասխան ՔՊ խմբակցության պատգամավոր Լիլիթ Ստեփանյանի հարցի, ասաց ԿԳՄՍ նախարար Ժաննա Անդրեասյանը։
«Մենք պետք է լուրջ հարց տանք, թե որն է դպրոցական միջոցառումների նպատակը։ Դրանք վաղուց վերածվել են քաղքենի միջավայրերի, բիզնես գործընթացների, որտեղ Վերջին զանգի պատրաստի սցենարներ են գնվում, և որևէ բեմից որևէ երեխա սեփական խոսք չի ասում»,- նշեց նա։
«Դպրոցական բեմը երեխաների համար պետք է լինի ստեղծագործելու և ինքնարտահայտվելու տեղը, և մեր փոփոխություններն ուղղված են դրան, ու մենք ամեն կերպ ինքներս խրախուսելու ենք, որ դպրոցները տան հարթակ երեխաներին և դադարեն խոսել երեխաների փոխարեն»,- ասաց նախարարը: