Միջնորդություն ամբաստանյալի խափանման միջոց կալանքը փոխելու համար: ՇՄ ընդհանուր իրավասության առաջին ատյանի դատարանում այսպես սկսվեց Մարմաշեն համայնքում 2020թ-ի մայիսի 27-ին Վահրամաբերդի 21-ամյա բնակիչ Զարզանդ Մանուկյանի սպանության գործով դատական նիստը : Բայց դատարանի որոշմամբ՝ նիստը շարունակվեց այսօր ներկայացած միակ վկայի հարցաքննությամբ: Կողմերի հարցերից հետո, ըստ պետմեղադրողի, ակնհայտ հակասություններ կային նախաքննական ու դատաքննական ցուցմունքների միջեւ, ուստի, դատավորը հրապարակեց նախաքննական ցուցմունքը, որի հետ լիարժեք համաձայնեց վկան: