Դանիան շատ շուտով պատրաստ կլինի Ուկրաինա ուղարկել գերմանական արտադրության առաջին Leopard 1 տանկերը: Այս մասին հայտնել են Դանիայի պաշտպանության նախարարությունից։
Գերատեսչության մամուլի հաղորդագրության համաձայն՝ պաշտպանության նախարարի պաշտոնակատար Թրոելս Լունդ Պոուլսենն այցելել է Ֆլենսբուրգ քաղաքի Flensburger Fahrzeugbau Gesellschaft ձեռնարկություն, որտեղ ընթանում է Ուկրաինայի համար նախատեսված ռազմական տեխնիկայի պատրաստումը:
Դա արվում է Գերմանիայի, Դանիայի և Նիդերլանդների միջև փետրվարի սկզբին ձեռք բերված պայմանավորվածության շրջանակում, որով նախատեսվում է Ուկրաինայի զինված ուժերին առնվազն 100 Leopard 1 A5 տանկ փոխանցել: Առաջնահերթ խնդիր է սահմանվել առաջիկա ամիսներին երկու տանկային գումարտակների համար 80 մեքենայի մատակարարումը։