Գյումրու նոր երթուղայինների շարքը համալրվեց ևս 8-ով, դրանք կսպասարկեն 18 և 14 համարի երթուղիները: Գյումրու ավագանու նախորդ տարվա նիստերից մեկի ժամանակ քննարկման արդյունքում որոշվել էր ՀՀ կառավարության հաստատմանը ներկայացնել 30 միկրոավտոբուսի ձեռքբերման սուբվենցիոն հայտ:
Քաղաքի 3 երթուղիներ սպասարկող «Նյու Սիթի Տրանս» ՍՊԸ հրաժարվել էր 14 և 18 համարների երթուղայինները սպասարկելուց, պատճառաբանելով, որ եկամտաբեր ու ձեռնտու չէ:Գյումրու համայնքապետի որոշմամբ՝ հրատապության կարգով սուբվենցիոն ծրագրի շրջանակներում ձեռք են բերվել տրանսպորտային միջոցներ: «Գյումրի ավտոբուս» ՓԲԸ-ն այսօրվանից երթուղի է մտնում ևս 8 նոր ռուսական «Գազել» մակնիշի միկրոավտոբուսներով:
ՀՀ կառավարության հետ համատեղ սուբվենցիոն ծրագրի շրջանակներում 2024թ.-ին նախատեսվում է ձեռք բերել ընդհանուր առմամբ 30 միկրոավտոբուս՝ քաղաքի երթուղային ցանցի լիարժեք թարմացման համար: Նշենք,որ «Դաշինք՝ հանուն կայուն և կանաչ կառավարման» ծրագրի շրջանակներում Գյումրին կունենա նաև 5 էլեկտրական ավտոբուսներ: