Շնորհավորանքը ներկայացնում ենք ստորև.
«ՇՆՈՐՀԱՎՈՐԱՆՔ
«Ցայգ» մարզային հեռուստաընկերության սիրելի հիմնադիրներ,
հարգելի աշխատակազմ,
Շնորհավորում եմ ձեզ հեռուստաընկերության հիմնադրման 31-ամյակի կապակցությամբ։ Անցնող տարիների ընթացքում «Ցայգ» հեռուստաընկերությունն իր անկախ, անաչառ և հմուտ աշխատանքի արդյունքում կարողացել է ոչ միայն իր ուրույն տեղը զբաղեցնել հեռուստատեսության ոլորտում, այլ նաև տարեցտարի ընդլայնել սփռման տիրույթն ու լսարանը։ Արդեն 31 տարի յուրաքանչյուր գյումրեցու առօրյայում իր հիմնական տեղը զբաղեցնող «Ցայգ» հեռուստաընկերությունը մշտապես կարողանում է լրատվությունը հրատապ, անաչառ ու օբյեկտիվ փոխանցել հասարակությանը:
Մերօրյա տեղեկատվական դաշտը ողողված է տարաբնույթ ծրագրերով ու հաղորդումներով, բայց այս ամենում շատ կարևոր է մատուցվող տեղեկատվության հավաստիությունը, բազմակողմանիությունը, ինչն ապահովում է «Ցայգ» մարզային հեռուստաընկերությունը:
Եվս մեկ անգամ շնորհավորում եմ հեռուստաընկերության հիմնադիրներին և անցող բոլոր տարիներին հեռուստաընկերությունում աշխատած անձանց՝ մաղթելով բոլորին խաղաղ երկրում խաղաղ աշխատանքային օրեր, քաջառողջություն, նորանոր ծրագրեր և անխափան եթերներ։
ԳՅՈՒՄՐԻ ՀԱՄԱՅՆՔԻ ՂԵԿԱՎԱՐ՝ ՎԱՐԴԳԵՍ ՍԱՄՍՈՆՅԱՆ»: