Հունիսի 6-ին ոստիկանության Մուշի բաժին հաղորդում էր տվել բջջային օպերատորներից մեկի աշխատակիցը և հայտնել, որ հունիսի 4-ից հունիսի 6-ն ընկած ժամանակահատվածում Գյումրի քաղաքի Վազգեն Սարգսյան փողոցում գտնվող դիտահորից գողացել են ԲԲ ընկերությանը պատկանող մալուխները:
Ոստիկանության Մուշի բաժնի քրեական հետախույզները ձեռնարկած օպերատիվ-հետախուզական միջոցառումների արդյունքում պարզել են, որ գողությունը կատարել է նույն փողոցի բնակիչ 40-ամյա տղամարդը: Հունիսի 7-ին նա ներկայացվել է Մուշի բաժին, որտեղ խոստովանել է, որ դիտահորից գողացել է մալուխները, տեղափոխել իր տան բակ, ապա այրելու միջոցով վերածել պղնձի և հանձնել գունավոր մետաղների ընդունման կետ:
40-ամյա տղամարդը, գունավոր մետաղների ընդունման կետի սեփականատերը և գողոնը ներկայացվել են վարույթն իրականացնող մարմին:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: