Երեկ ուշ երեկոյան «Գյումրու ԲԿ» Ավստրիական մանկական բաժանմունք է տեղափոխվել 1․5 տարեկան երեխա «շրթունքների քիմիական այրվածք» ախտորոշմամբ։ Երեխան այդ վիճակում է եղել «Կռոտ» տեսակի քիմիական մաքրող հեղուկը պատահաբար խմելու հետևանքով։ «Գյումրու ԲԿ» -ի մանկական բաժանմունքի պատասխանատու Կարեն Գևորգյանը «Այսօր» լրատվականի հետ զրույցում նշեց, որ երեխան բժշկական համապատասխան օգնությունը ստանալուց հետո արդեն դուրս է գրվել, խնամքը շարունակվում է տանը։