«Այսօր» լրատվականի տեղեկություններով՝ Գյումրու բժշկական կենտրոնի մանկաբարձագինեկոլոգիական բաժանմունքում լույս աշխարհ է եկել պետական պատվերի շրջանակներում իրականացվող անպտղության բուժման պիլոտային ծրագրի շահառուների առաջին երեխան։ Ծրագիրը մարզերից առաջինը ներդրվել է Գյումրու ԲԿ-ում՝ ՀՀ առողջապահության նախարարության ջանքերով:
Ծրագիրը հնարավորություն է տալիս անպտղություն ունեցող կանանց անվճար անցնել հետազոտություններ, բուժվել և կատարել ներարգանդային սերմնավորման մինչև վեց փորձ։
Ինչպես նշեցին կենտրոնից, ծրագրի գործարկումից դեռ մեկ տարի էլ չի անցել, և արդեն կանայք պատրաստվում են մայրանալ ։ Այս ծնունդը ծրագրի առաջին արդյունքն է: