Գյումրու հրաձգության մանկապատանեկան մարզադպրոցի սաները փայլուն էջ գրեցին մեր քաղաքի սպորտի տարեգրությունում: Նորվեգիայի Համեր քաղաքում կայացած հրաձգության Եվրոպայի մեծահասակների առաջնությունում ուղղակի ֆանտաստիկ մրցելույթներ ունեցավ 17-ամյա Գոռ Խաչատրյանը: Նա իրեն հավասարը չունեցավ միանգամից 3 վարժությունում՝ վազող թիրախ, խառը վազք եւ միքս: 2 տարի առաջ ընդամենը 15 տարեկանում Գոռը նվաճել էր Եվրոպայի երիտասարդների չեմպիոնական տիտղոսը եւ ահա նոր պատմական ձեռքբերում: