Հայաստանում 2013 թ-ին ընդունվեց օրենք Կանանց և տղամարդկանց հավասար իրավունքների և հավասար հնարավորությունների ապահովման մասին, որի նպատակներից է հասարակական կյանքի բոլոր ոլորտներում ապահովել գենդերային հավասարությունը, կանանց և տղամարդկանց իրավական պաշտպանությունը գենդերային խտրականությունից։ 2016 թվականին Կանանց դեմ խտրականության վերացման հարցերով ՄԱԿ-ի կոմիտեն, Հայաստանի վերաբերյալ իր զեկույցում մի շարք առաջարկություններով է հանդես եկել՝ աշխատավայրում գենդերային խտրականության և սեռական ոտնձգությունների հարցերով բողոքների ներկայացման գաղտնի և ապահով համակարգ ներդնելու ուղղությամբ։