ՀՀ ԿԳՄՍ նախարարության «Պահպանության ծառայություն» ՊՈԱԿ-ից տեղեկանում ենք՝ Կոտայքի մարզում իրավախախտման դեպք է գրանցվել:
2021 թ․ հունվար-հոկտեմբեր ամիսների ընթացքում ՊՈԱԿ-ի Կոտայքի մարզային ծառայության պատասխանատուներն արձանագրել են գանձագողության, գանձախուզության երեք դեպք։
Հերթական՝ չորրորդ դեպքը հուշարձանների պահապաններն արձանագրել են երեկ՝ շրջայցի ընթացքում։
Մեղրաձոր համայնքում գտնվող հանրապետական նշանակության ամրոց հուշարձանի տարածքում անհայտ անձինք երկու փոս են փորել։
Ամիսներ առաջ Մեղրաձորի մեկ այլ ամրոց հուշարձանի տարածքում ևս նմանատիպ դեպք էր գրանցվել։
«Պահպանության ծառայություն» ՊՈԱԿ-ը կատարվածի մասին տեղեկացրել է իրավապահներին։