ԲՏԱ նախարարը նախագահին ներկայացրել է «ՀՀ Տիեզերական ռազմավարության» նախագիծը

Մարտի 12-ին Հայաստանի Հանրապետության նախագահ Վահագն Խաչատուրյանն ընդունել է Բարձր տեխնոլոգիական արդյունաբերության նախարար Մխիթար Հայրապետյանին։

Հանդիպմանը նախարարը նախագահին է ներկայացրել նախարարության ծրագրերի իրականացման ընթացքը և առաջիկա նախաձեռնությունները։

Նախարարը ներկայացրել է նաև «ՀՀ Տիեզերական ռազմավարության» նախագիծը, որը դետալային մշակված 5-ամյա զարգացման ծրագիր է:

Ռազմավարությունը միտված է տիեզերական, ինչպես նաև հարակից՝ հեռահաղորդակցության, թվային տեխնոլոգիաների, գիտության, բարձր տեխնոլոգիական արդյունաբերության և այլ ոլորտներում ազգային անվտանգության բաղադրիչի ամրապնդումը, ժամանակակից աշխարհի արագընթաց փոփոխություններին համահունչ երկրի զարգացման ընթացքի ապահովումը:

Հանդիպման ընթացքում քննարկվել են նաև Հայաստանի տեխնոլոգիական մրցունակության բարձրացման հնարավորություններն ու անհրաժեշտ միջոցառումները: Ինչպես նաև միջազգային համագործակցության ընդլայնման հեռանկարները և գիտական ներուժի արդյունավետ օգտագործման մեխանիզմները։

Նախագահ Խաչատուրյանը կարևորել է բարձր տեխնոլոգիաների զարգացումը՝ որպես երկրի տնտեսական աճի և ազգային անվտանգության ամրապնդման առանցքային գործոն։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում