Մարտի 31-ին տեղի է ունեցել երկրաշարժի հետևանքով անօթևան մնացած ընտանիքների բնակարանային խնդիրների լուծմանն ուղղված պետական աջակցության ծրագրի հանձնաժողովի հերթական նիստը:
Հեռավար նիստին մասնակցել են Քաղաքաշինության կոմիտեի, Տարածքային կառավարման և ենթակառուցվածքների նախարարության, Շիրակի և Լոռու մարզպետարանների, Գյումրու, Վանաձորի և Ստեփանավանի համայնքապետարանների պատասխանատուները: Քննարկվել են պետական աջակցության ծրագրի շրջանակներում Շիրակի և Լոռու մարզերի բնակավայրերում բնակապահովման իրավունքը դատական կարգով վերականգնած ընտանիքների բնակարանային խնդիրների լուծման հետ կապված հարցեր: