Բիթքոինի գինը մեկ ժամում կրկին թարմացրել է ռեկորդը և բարձրացել 97 հազար դոլարից։
ՀՀ ժամանակով ժամը 9:00-ի դրությամբ բիթքոինն արդեն թանկացել է օրական 5,96%-ով և հասել 97 հազար 559 դոլար արժեքի: Մեկ ժամ դրանից առաջ՝ մեկ մետաղադրամն արժեր հազար դոլարով պակաս։
Ինչպես գրել է Коммерсант-ը, կրիպտոարժույթի արժեքի աճը պայմանավորված է այն ակնկալիքներով, որ ԱՄՆ նորընտիր նախագահ Դոնալդ Թրամփը կնպաստի կրիպտոարժույթի ոլորտում ավելի պարզեցված կարգավորման ներդրմանը։
Նախօրեին հաղորդվել էր, որ բիթքոինի գինը հասել է պատմական նոր բարձրակետի և առաջին անգամ գերազանցել է մեկ մետաղադրամի դիմաց 94 հազար դոլարի նշագիծը։