Ադրբեջանի արտաքին գործերի նախարար Ջեյհուն Բայրամովը ՄԱԿ-ի Գլխավոր վեհաժողովի 79-րդ նստաշրջանի շրջանակում հանդիպել է Գերմանիայի արտաքին գործերի նախարար Անալենա Բերբոքի հետ:
Հանդիպման ընթացքում քննարկվել են երկկողմ հարաբերությունները և տարածաշրջանում առկա իրավիճակը:
Ադրբեջանի ԱԳՆ-ի հաղորդագրության համաձայն՝ Բայրամովը Բերբոքին ներկայացրել է Հայաստանի և Ադրբեջանի միջև հարաբերությունների կարգավորման գործընթացը, ինչպես նաև Բաքվում կայանալիք COP29-ի նախապատրաստական աշխատանքները: