Բելառուսի դեմ պատժամիջոցների վերաբերյալ օրինագիծ է ներկայացվել ԱՄՆ Սենատ

ԱՄՆ հանրապետական սենատոր Ջեյմս Լենկֆորդը Կոնգրեսի վերին պալատին օրինագիծ է ներկայացրել Բելառուսի կամ որևէ այլ երկրի դեմ պատժամիջոցներ սահմանելու մասին, որն ըստ Վաշինգտոնի՝ աջակցություն կցուցաբերի Ռուսաստանին՝ Ուկրաինայի դեմ ենթադրյալ գործողություններում: Այդ մասին հայտնել են Կոնգրեսի մամուլի ծառայությունից:

«Սենատոր Լենկֆորդը ներկայացրել է «Բելառուսին ագրեսիայի համար պատասխանատվության ենթարկելու մասին» օրինագիծը, որի նպատակն է թույլ չտալ, որպեսզի Ուկրաինա ներխուժում իրականացնելու համար Մինսկը Ռուսաստանին թույլատրի օգտագործել Բելառուսի տարածքը»,- նշված է Սենատի հաղորդագրության մեջ:

Օրինագծի համաձայն՝ պատժամիջոցներ կարող են սահմանվել նաև այլ երկրների նկատմամբ, որոնք կաջակցեն Ռուսաստանին:

Related posts

Լիանա Գյուրջյանը` Եվրոպայի առաջնության փոխչեմպիոն, Տաթև Հակոբյանը՝ պոկում վարժության արծաթե մեդալակիր

Ծանրորդ Գարիկ Կարապետյանը դարձավ Եվրոպայի առաջնության չեմպիոն, Սիմոն Մարտիրոսյանը՝ փոխչեմպիոն

Ծանրամարտի ԵԱ. Գարիկ Կարապետյանը պոկում վարժությունում նվաճել է փոքր ոսկե, Սիմոն Մարտիրոսյանը՝ փոքր արծաթե մեդալ