Ադրբեջանի արտգործնախարար Ջեյհուն Բայրամովը Արևելյան գործընկերության երկրների արտգործնախարարների հանդիպման շրջանակում ունեցած ելույթում անդրադարձել է Հարավային Կովկասում զարգացումներին:
Նա երկկողմ ձևաչափով աշխատելու կոչ է արել Երևանին, հավելել՝ Բաքուն դեմ չէ նաև «անաչառ և չեզոք երրորդ կողմի միջնորդությանը»։
«Խաղաղության և բարիդրացիական հարաբերությունները չպետք է զոհաբերվեն աշխարհաքաղաքական անհեռատես շահարկումներին: Կենտրոնանալով ընդհանուր շահերի, վճռականության, փոխադարձ հարգանքի վրա՝ մենք կկարողանանք կառուցել ավելի բարգավաճ, կայուն Արևելյան գործընկերության տարածաշրջան»,- ընդգծել է Բայրամովը։