Անհայտ կորած զինծառայողների ծնողները դեկտեմբերի 27-ին փակել էին Բաղրամյան պողոտան՝ պահանջելով հանդիպում 44-օրյա պատերազմի հանգամանքներն ուսումնասիրող քննիչ հանձնաժողովի ղեկավար Անդրանիկ Քոչարյանի հետ։
1Lurer.am-ի հարցին ի պատասխան ԱԺ նախագահի մամուլի քարտուղար Մովսես Հարությունյանը հայտնել է, որ Ազգային ժողովի նախագահ Ալեն Սիմոնյանը հանդիպել է անհայտ կորածների հարազատների հետ և առաջարկել ներս մտնել ԱԺ՝ ներսում քննարկելու համար։ Անհայտ կորածների հարազատները մտել են խորհրդարան:
Ներքին գործերի նախարարությունից 1Lurer.am-ին հայտնել են, որ ճանապարհն արդեն բաց է, երթևեկությունը վերականգնվել է: