«Այդ բարբարոսությունը և գերության մեջ կամ որևէ այլ կարգավիճակում պահվող հայերի նկատմամբ վերաբերմունքը և շաբաթներ առաջ խայտառակ արմենոֆոբիկ պուրակի բացումը Բաքվում հերթական վկայությունն են, որ Արցախի հայության անվտանգ գոյությունն Ադրբեջանի կազմում անհնար է, և աշխարհը պետք է ճանաչի Արցախի հայության ինքնորոշման իրավունքը: Սա է այն քաղաքականությունը և դիրքորոշումը, որ մենք որպես ՀՀ ունենք, և այստեղ որևէ փոփոխություն չկա»,- հայտարարեց ԱԺ նախագահ Արարատ Միրզոյանը՝ անդրադառնալով ադրբեջանցիների կողմից Շուշիի Ղազանչեցոց եկեղեցու գմբեթի քանդմանը: ԱԺ նախագահի խոսքով՝ պետք է միջազգային գործընկերների հետ սերտորեն աշխատել այս ուղղությամբ: