Հայաստանի ազատ ոճի ըմբշամարտի հավաքականի վերջին անդամները սկսում են պայքարն աշխարհի առաջնությունում:
«Արմենպրես»-ի հաղորդմամբ` Բելգրադում պայքարի մեջ են մտնում Եվրոպայի կրկնակի չեմպիոն, ԱԱ մեդալակիր 61 կգ քաշային Արսեն Հարությունյանը և Աշխարհի անհատական Գավաթի հաղթող Վազգեն Թևանյանը:
Հարությունյանի մրցակիցը դեռևս հայտնի չէ, իսկ Թևանյանը կմեկնարկի 1/16-րդ եզրափակչից Ջոն Դիակոմիհալիսի հետ պայքարով:
Մինչ այս ազատ ոճային ըմբիշները ոչ մի արդյունքի չեն հասել: Իսկ հունահռոմեական ոճի ըմբշամարտի հավաքականի անդամ, Օլիմպիական խաղերի չեմպիոն Արթուր Ալեքսանյանը նվաճել է աշխարհի առաջնություններում իր 4-րդ ոսկին, Մալխաս Ամոյանն էլ 77 կգ քաշային կարգում դարձել է ԱԱ-ի բրոնզե մեդալակիր: