«Արմավիր» քրեակատարողական հիմնարկում մահվան հերթական դեպքն է գրանցվել։
Հուլիսի 14-ին դատապարտյալներից մեկը պատժախցում ինքնասպան է եղել սավանով կախվելու միջոցով։
Քրեակատարողական ծառայությունից «Հայկական ժամանակ»-ի հետ զրույցում հաստատեցին տեղեկությունը՝ մանրամասնելով.
««Արմավիր» քրեակատարողական հիմնարկում պատիժ կրող, 1987թ․ ծնված դատապարտյալ Ա․Ս.-ն հայտնաբերվել է խցի պատուհանի ճաղավանդակից սավանով կախված վիճակում։ Անմիջապես կանչվել է շտապօգնություն, որն արձանագրել է դատապարտյալի կենսաբանական մահը։ Դեպքի առթիվ ՀՀ ՔԿ Արմավիրի մարզային քննչական վարչության Վաղարշապատի քննչական բաժնում նախաձեռնվել է քրեական վարույթ»,- ասացին ծառայությունից։
Նշենք՝ տարեսկզբից մինչև օրս ՔԿՀ-ներում գրանցվել է մահվան 14 դեպք, որից 6-ը՝ ինքնասպանության միջոցով։