Առողջապահության նախարար Անահիտ Ավանեսյանն այսօր լրագրողների հետ զրույցում անդրադարձավ այն հարցին՝ արդյոք բարձր հակամարմիններ ունեցող անձինք կարիք ունե՞ն պատվաստվելու կորոնավիրուսային հիվանդության դեմ, թե՞ ոչ, հարցը քննարկվո՞ւմ է նախարարությունում:
Նախարարը նշեց, որ քննարկումներ մշտապես եղել են. «Մենք մոնիթորինգ ենք անում առկա գիտական բոլոր պարբերականներում հանդես եկող հոդվածները, բայց մինչ այս պահն էլ չկա որևէ ցուցանիշ, որը մեզ կհուշի, որ այս շեմից բարձր հակամարմինները մեզ պաշտպանում են, ինչ-որ շեմից ցածրները՝ ոչ: Դրա համար նման փոփոխություն չի նախատեսվում»: