«Հայաստանի էլեկտրական ցանցեր» ՓԲԸ-ի նախաձեռնությամբ հանրապետության մի շարք խոշոր բնակավայրերում իրականացվում է շուրջ 700 բազմաբնակարան շենքերի ավելի քան 2000 շքամուտքերի էլեկտրական ենթակառուցվածքների բարեկարգման և արդիականացման ծրագիր։ Այս մասին տեղեկացնում են ՀԷՑ-ից։
Ներդրումային ծրագրի շրջանակում հին և տեխնիկապես մաշված ներածման բաշխիչ սարքավորումները և շքամուտքերի էլեկտրական լարերը փոխարինվում են նորերով։
Կատարվող աշխատանքների արդյունքում կնվազի բազմաբնակարան շենքերի էլեկտրամատակարարման համակարգում առաջացող անսարքությունների հաճախականությունը, կկանխարգելվեն վթարային իրավիճակները, բնակիչների համար կապահովվեն առավել անվտանգ պայմաններ, ինչպես նաև կվերականգնվի շքամուտքերի արտաքին տեսքը»,- ասվում է հաղորդագրությունում։