Աճառյան փողոցում տեղի ունեցած ավտոբուսի վթարի հետևանքով 11 տուժած դիմել է բժշկական կենտրոններ։
Առողջապահության նախարարությունից տեղեկացնում են, որ այս պահի դրությամբ նրանցից մեկի առողջական վիճակը գնահատվում է ծանր, երկուսինը՝ միջին ծանրության:
«Մյուս 8 տուժածները հետազոտվել են, ստացել անհրաժեշտ առաջին բուժօգնությունը և դուրս գրվել»,- ասվում է հաղորդագրությունում։
Ավելի վաղ տեղեկացրել էինք, որ հոկտեմբերի 23-ին՝ ժամը 9․00-ի սահմաններում, Երևանի Աճառյան փողոցի հասցեներից մեկի մոտ Հյունդայի» մակնիշի ավտոբուս է կողաշրջվել։ Դեպքի առթիվ նախաձեռնվել է քրեական վարույթ: