Ոչ տեղումնառատ եղանակ՝ ջերմաստիճանի բարձրացմամբ. 4 տարին մեկ փետրվարը եզրափակվում է 29 օրով: Նահանջ տարվա ցրտաշունչ օրերին փոխարինելու է գալիս գարունը՝ պայծառ ու ջերմ տրամադրությամբ: Ժամանակի ընթացքում տարբեր մշակույթներ գարնան գալուստը նշել են ավանդական տոնախմբությամբ: Հնդկաստանում աշխույժ Հոլիի փառատոնից մինչև Ճապոնիայում կեռասի ծաղկման փառատոնները, գարունը համայնքների համախմբման, բնության գեղեցկությամբ ուրախանալու ժամանակն է: Հայաստանում նման ավանդույթներ, կարելի է ասել չկան, բայց օրինակ առանձին համայնքներում նախնիներից եկած տոները դեռ պահպանվում են: Ինչպես տեղեկանում ենք Արզնիի համայնքապետարանի Ֆեյսբուքյան էջից ձմռան վերջին օրը ՝ փետրվարի 28,29-ին, Արզնիի բոլոր բնակիչները հավաքվում են գյուղի կենտրոնում, խարույկ վառում, շուրջպար բռնում, ընդհանուրի կողմից հավաքված գումարով կազմակերպվում է նաեւ հյուրասիրություն։