Նախօրեին Ֆեյսբուքյան օգտատեր Ցոլակ Չադրյանը տեսանյութ էր տարածել, որտեղ տեղեկացնում էր, որ իր մեքենան տուգանային հրապարակում է այն պատճառաբանմամբ, որ մեքենայի ապակուն փակցված է թաղանթ։ Վերջինս պահանջել էր հստակ ապացույցներ, քանի որ, իր խոսքով, պարեկը արձանագրությունը կազմել է առանց ապակու տեխնիկական զննման: Ցոլակ Չադրյանը ինքն է մեքենան տարել տուգանային հրապարակ եւ սպասել, թե երբ է պարեկային ծառայությունը ապացուցելու, որ կազմված արձանագրությունը ճիշտ է: