Հայաստանում աղքատության կայուն նվազեցման համար միայն տնտեսական աճը բավարար չէ։ Անհրաժեշտ են ավելի շատ և ավելի որակյալ աշխատատեղեր, բարձր արտադրողականություն և սոցիալական պաշտպանության ավելի հասցեական քաղաքականություն։ Այս եզրակացությանն է հանգում Համաշխարհային բանկի խմբի հրապարակած «Հայաստանի տնտեսական զարկերակը. Ձգտելով աղքատության նվազեցնող աճի՝ ավելի ներգործուն հարկաբյուջետային քաղաքականությամբ» վերլուծական զեկույցը, որը ներկայացվեց Գյումրիում։