Անօդաչուների հարձակման պատճառով ինքնաթիռները չեն կարողացել վայրէջք կատարել «Վնուկովո»-ում և «Դոմոդեդովո»-ում

ՌԴ օդային տրանսպորտի դաշնային գործակալությունը հայտնել է, որ Մոսկվայում և Մերձմոսկովյան շրջանում անօդաչու թռչող սարքերի հարձակումը հանգեցրել է ժամանակավոր սահմանափակումների՝ «Վնուկովո» և «Դոմոդեդովո» օդանավակայաններում թռիչքներ ընդունելու և ուղարկելու համար: Այդ պատճառով տասը ինքնաթիռ վայրէջք է կատարել այլընտրանքային օդանավակայաններում:

«Սահմանափակումների պատճառով տասը ինքնաթիռ վայրէջք է կատարել այլընտրանքային օդանավակայաններում: Եվս վեց ինքնաթիռի անձնակազմերը վերահաշվարկել են երթուղիները, դիսպետչերական ծառայությունների հետ համաձայնեցնելով փոխել են թռիչքների պլանները և օդային տարածքի օգտագործման սահմանափակումները վերացնելուց հետո վայրէջք են կատարել նշանակման օդանավակայաններում»,- նշել են գերատեսչության մամուլի ծառայությունից։

Սահմանափակումները հանվել են Մոսկվայի ժամանակով ժամը 5:25-ին, հայտնել է դաշնային գործակալությունը։

Ավելի վաղ հաղորդվել էր, որ Մոսկվայի շրջանի երկնքում անօդաչու թռչող սարքերի հարձակման և հակաօդային պաշտպանության համակարգերի օգտագործման պատճառով «Դոմոդեդովո»-ում հետաձգվել է 20 թռիչք, իսկ «Վնուկովո»-ում՝ ինը թռիչք։ Բացի այդ, հետաձգվել է երեք չվերթի մեկնում դեպի «Վնուկովո»։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում