Բելառուսի նախագահ Ալեքսանդր Լուկաշենկոն հայտարարել է, որ առաջադրելու է իր թեկնածությունը 2025 թվականի հունվարին կայանալիք նախագահի ընտրությունում։
Այս մասին նա ասել է «Ռոսիա-1» հեռուստաալիքի «60 րոպե» հաղորդաշարի հաղորդավար Օլգա Սկաբեևայի հետ հարցազրույցում։
«Այո՛, Օլյա, ես գնալու եմ նախագահական ընտրությունների»,- հարցին պատասխանել է նա:
Բելառուսի Սահմանադրությունը նրան չի արգելում դա անել:
Նախորդ՝ 2020 թվականի օգոստոսի ընտրությունը տեղի է ունեցել անկախ Բելառուսի պատմության մեջ ամենազանգվածային բողոքի ակցիաների և դրա մասնակիցների ու ընդդիմության ներկայացուցիչների դեմ ռեպրեսիվ արշավի ֆոնին։