Ներդրում մարդկային կապիտալում, նոր հմտությունների ձևավորում, գործընկերության ամրապնդում: Միջազգային ռազմական կրթության և վերապատրաստումների ԱՅՄԵԹ ծրագիրը ՀՀ զինվորականներին հնարավորություն է տալիս ուսանել Միացյալ Նահանգներում, հաստատել կապեր ու ծանոթություններ ողջ կյանքի համար, ապա վերադառնալ նոր գիտելիքներով ու գաղափարներով՝ ամրապնդելու Հայաստանի պաշտպանունակությունն ու ինքնիշխանությունը։ Այս մասին տեղեկացնում են ՀՀ-ում ԱՄՆ դեսպանությունից: