ԱԺ խորհուրդը մերժել է ընդդիմադիր խմբակցությունների՝ արտահերթ նիստ գումարելու պահանջով միջնորդությունը

ԱԺ ընդդիմադիր «Հայաստան» և «Պատիվ ունեմ» խմբակցությունները 33 պատգամավորի ստորագրությամբ արտահերթ նիստ գումարելու պահանջով միջնորդություն են ներկայացրել ԱԺ խորհուրդ։

Տեղեկացրել է «Հայաստան» խմբակցության քարտուղար Արծվիկ Մինասյանը: Ընդդիմադիրներն առաջարկել են արտահերթ նիստի օրակարգում ընդգրկել ԱԺ ուղերձը կառավարության հրաժարականի և նոր կառավարության ձևավորման մասին։

Հիշեցնենք, «Հայաստան» և «Պատիվ ունեմ» խմբակցությունները միասին 35 պատգամավոր ունեն: Մինասյանն ասել է, որ երկու պատգամավոր միջնորդության տակ չի ստորագրել տեխնիկական պատճառներով:

Ի դեպ, ավելի վաղ ընդդիմությունը հայտարարել էր, որ պատրաստվում են վարչապետի իմփիչմենթի գործընթաց սկսել: Դրա համար նրանց անհրաժեշտ էր առնվազն 36 ստորագրություն:

Ազգային ժողովի խորհուրդը մերժել է ընդդիմադիր «Հայաստան» և «Պատիվ ունեմ» խմբակցությունների միջնորդությունը:

Խորհրդարանի նախագահ Ալեն Սիմոնյանը ավելի վաղ լրագրողների հետ զրույցում նշել էր, որ կառավարության հրաժարականի և նոր կառավարության ձևավորման մասին ուղերձ ընդունելու իմաստը չեն տեսնում, քանի որ կառավարությունն ու վարչապետը վայելում են ժողովրդի վստահությունը։

Related posts

Մհեր Գրիգորյանին Nokia ընկերության ներկայացուցիչների հետ հանդիպմանը ներկայացվել են 5G ցանցի ենթակառուցվածքների ներդրման ծրագրերը

Անօթևան մնացածները կապահովվեն թե՛ կեցության վայրով, թե պայմաններով. ՏԿԵ նախարարը՝ Ճամբարակում

Դավիթ Առուշանյանը ներկայացրել է Շիրակի մարզի 2024 թվականի բյուջեի կատարողականը