Նովոռոսիյսկի վրա անօդաչու թռչող սարքի գիշերային հարձակման հետևանքով վնասվել է «Շեսխարիսի» վերբեռնման համալիրի նավթի պահեստը: Հարձակման հետևանքով նավթային տերմինալի հատվածում հրդեհ է բռնկվել:
Դեպքից կարճ ժամանակ առաջ Նովոռոսիյսկում օդային տագնապ է հայտարարվել: Բեկորներից վնասվել են նաև առափնյա կառույցները, բնակելի շենքեր, քաղաքացիական մեկ նավ, որի անձնակազմի երեք անդամը վիրավորվել և հոսպիտալացվել է:
«Շեսխարիսը» ռուսական «Տրանսնեֆտ» ընկերության խողովակաշարերի վերջնակետն է: Տերմինալն օգտագործվում է նավթի և նավթամթերքների ստացման, պահպանման և առաքման, ինչպես նաև Կրասնոդարի երկրամասի գործարաններ նավթ մատակարարելու համար: