Թեհրանը պատրաստ է աջակցելու Հարավային Կովկասում անվտանգության և կայունության ամրապնդմանը, հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։
«Անվտանգությունը Կովկասում և բոլոր հարևանների, այդ թվում՝ Ադրբեջանի ու Հայաստանի անվտանգությունը, մեզ համար շատ կարևոր է։ Մենք հաջող հարաբերություններ ունենք Ադրբեջանի ու Հայաստանի հետ, և վերջին օրերին ակտիվացել են դիվանագիտական բանակցությունները»,- ասել է նա։
Բաղային նշել է, որ Իրանը պատրաստակամություն է հայտնել նպաստել երկու երկրի միջև երկխոսության զարգացմանը։