Փարիզի դատարանը Ֆրանսիայի նախկին նախագահ Նիկոլա Սարկոզիին մեղավոր է ճանաչել կոռուպցիայի և իր ազդեցությունն օգտագործելու համար: Այդ մասին BFM հեռուստաալիքը հայտարարել է Փարիզի արդարադատության պալատի շենքից:
Նախկին նախագահը դատապարտվել է երեք տարվա ազատազրկման, երկուսը՝ պայմանական, իսկ մեկը՝ բանտարկություն: Նա դարձել է Ֆրանսիայի առաջին նախկին նախագահը, որն իրական պատժաչափ է ստացել:
Գործի երկու այլ մեղադրյալներ՝ Սարկոզիի նախկին փաստաբան Թիերի Էրզոգը և Սահմանադրական դատարանի նախկին դատավոր Ժիլբեր Ազիբերը, մեղավոր են ճանաչվել մասնագիտական գաղտնիքները հրապարակելու համար և դատապարտվել են համանման ժամկետների: