Ֆրանսիայի դպրոցներում կարգելվի մուսուլմանական աբայա կրել

Ֆրանսիայի դպրոցներում կարգելվի կրել մուսուլմանական ավանդական հագուստը՝ աբայան։ Այս մասին կիրակի հայտարարել է երկրի կրթության նախարարը, գրում է Euronews-ը։

Աբայան երկար թևքերով կանացի հագուստ է՝ առանց գոտու:

«Չի կարելի դասարան մտնելիս աշակերտների տեսքից որոշել, թե ինչ կրոն են նրանք դավանում»,- ասել է Գաբրիել Աթալը ֆրանսիական հեռուստաալիքին նոր ուսումնական տարվա մեկնարկից մի քանի օր առաջ:

Որոշումն ընդունվել է մի քանի ամիս տևած բանավեճերից հետո, և ենթադրվում է, որ կզայրացնի երկրի 5-միլիոնանոց մահմեդական համայնքի շատ ներկայացուցիչների:

Ֆրանսիայի ձախ ուժերը պնդում են, որ այս միջոցը ոտնձգություն է քաղաքացիական ազատությունների դեմ։ Աջերը, ընդհակառակը, ողջունել են իշխանությունների որոշումը։

Ֆրանսիայում, աշխարհիկության սկզբունքի համաձայն, կրթական հաստատություններում արգելվում է կրել կրոնական պատկանելությունը ցուցադրող ցանկացած խորհրդանիշ։ Համապատասխան օրենքն ընդունվել է 2004 թ.: Այն ներառում է կիպաներ, գլխաշորեր, մեծ խաչեր և հիջաբներ:

Related posts

Այսօր էլ մեր երկիրը բազում մարտահրավերներ ունի, և կրթությունն է դրանց արձագանքելու ամենակարևոր եղանակներից մեկը. ԿԳՄՍ նախարար

Եթե որևէ մեկը ներգրավված կլինի կոռուպցիոն գործարքի մեջ, պատժվելու է օրենքի ողջ խստությամբ. Արթուր Հովհաննիսյան

ՌԴ պատվիրակությունը Ստամբուլ է ժամանել բանակցությունների՝ առանց նախապայմանների. Մեդինսկի