Փարիզը հրահրում է Հարավային Կովկասում զինված առճակատման հերթական փուլը. Զախարովա

ՌԴ ԱԳՆ ներկայացուցիչ Մարիա Զախարովան ամենշաբաթյա ճեպազրույցում անդրադարձել է հայ-ֆրանսիական ռազմական համագործակցությանը:

«Փաստն այն է, որ Փարիզը հրահրում է զինված առճակատման հերթական փուլը Հարավային Կովկասում։ Ֆրանսիայի ղեկավարությունը չի առաջնորդվում Հայաստանի կամ մեկ կոնկրետ ժողովրդի շահերով»,- այդպես է Մարիա Զախարովան մեկնաբանել Ֆրանսիայից Հայաստան ռազմական տեխնիկայի մատակարարման մասին պայմանագիրը։

«Փարիզը ձգտում է երկրների ներսում կամ երկրների միջև առկա տարաձայնությունները, հակասություններն օգտագործել որպես գործիք՝ սեփական պատեհապաշտ նպատակներին հասնելու համար։ Ես նկատի ունեմ ոչ միայն Ելիսեյան պալատի անձնական շահը, այլև Ֆրանսիան՝ որպես ՆԱՏՕ-ի գաղափարախոսության դիրիժոր։ Ինձ թվում է, որ հենց այդպես էլ պետք է վերաբերվել դրան», – նշել Է Զախարովան։

Զախարովան հիշեցրել է, որ ավելի վաղ Հայաստանի պաշտպանության նախարարության և ֆրանսիական KNDS ռազմարդյունաբերական ընկերության միջև ստորագրվել է ռազմատեխնիկական համագործակցության համաձայնագիր։

Related posts

ՊԵԿ նախագահը՝ շրջհարկի փոփոխությունների առնչությամբ քաղաքացիների դժգոհությունների մասին

Լոս Անջելեսում միգրացիոն քաղաքականության դեմ անցկացվող բողոքի ցույցերը վերաճել են լարված բախումների

Պաշտոնատար անձի ուղղորդմամբ քաղաքացին սուտ ցուցմունք է տվել. քրեական վարույթի նյութերը դատարանում են