Փաշինյանի երեխաների այցերն արտերկիր պետական բյուջեի հաշվի՞ն է․ վարչապետի աշխատակազմի ղեկավարի պարզաբանումը

Վարչապետի ընտանիքի սպասարկումն օրենքով նախատեսված է, ինչպես նախատեսված է նաև պետական այլ բարձրաստիճան պաշտոնատար անձանց սպասարկումը:

Այս մասին ԱԺ-ում լրագրողների հետ ճեպազրույցում հայտնեց վարչապետի աշխատակազմի ղեկավարի տեղակալ Արմենակ Խաչատրյանը՝ անդրադառնալով հարցին, որ վարչապետի ընտանիքի անդամները վարչապետի հետ հաճախ պետական օդանավով մեկնում են արտերկիր:

Հարցին՝ Նիկոլ Փաշինյանի երեխաների այցերն արտերկիր բյուջեի հաշվի՞ն է կազմակերպվում, օրինակ, Եվոպական խորհրդարան, Արմենակ Խաչատրյանը պատասխանեց․

«Ձեր հարցի պատասխանն է ո՛չ»։

Հետո հավելեց՝ «Կոնկրետ այդ հարցի մասին ես չգիտեմ, որովհետև անձամբ ես կոնկրետ այդ հարցով չեմ զբաղվել, բայց ոչ»:

Հիշեցնենք, որ Նիկոլ Փաշինյանի՝ Եվրոպական խորհրդարան այցի ժամանակ նրա հետ Ստրասբուրգ էին այցելել 3 դուստրերը։

Related posts

Վարչապետի գլխավորությամբ քննարկվել են հարկային քաղաքականությանն առնչվող հայեցակարգային հարցեր

Վարչապետի գլխավորությամբ քննարկվել են հարկային քաղաքականությանն առնչվող հայեցակարգային հարցեր

Գյումրու Սբ. Ամենափրկիչ եկեղեցու հարակից տարածքը հիմնանորոգված է, շատրվանները՝ վերականգնված. վարչապետ