Տարածքային կառավարման եւ ենթակառուցվածքների նախարար Գնել Սանոսյանն այսօր Շիրակի մարզի ուժային կառույցներին, ինչպես նաեւ մարզային եւ քաղաքային իշխանությունների ներկայացուցիչներին ներկայացրեց մարզի նորանշանակ մարզպետ Նազելի Բաղդասարյանին: Մինչ վերջինիս ներկայացնելը նախարարը նախ կատարած աշխատանքի համար շնորհակալություն հայտնեց նախկին մարզպետին՝ հաջողություն մաղթելով հետագա աշխատանքային գործունեությունում: