Շիրակի մարզպետարանի նիստերի դահլիճում տեղի ունեցավ մարզխորհրդի հերթական նիստը։ Մինչ օրակարգային հարցերին անդրադառնալը, մարզպետ Դավիթ Առուշանյանը ամփոփեց ՏԻՄ ընտրությունների արդյունքներն ու նկատեց՝ Գյումրու կառավարման ճակատագիրը հայտնի կլինի ապրիլի 16-ին կայանալիք ավագանու նիստին։ Օրակարգում նախ ՀՀ Շիրակի մարզի համայնքների բյուջեների սեփական եկամուտների 2025 թվականի առաջին եռամսյակի կատարման արդյունքներն էին։ 2025թ. ապրիլի 1-ի դրությամբ ՀՀ Շիրակի մարզի համայնքների բյուջեների սեփական եկամուտները կատարվել են 82,4 %-ով: