Տեխասում տեղի ունեցած ուժեղ ջրհեղեղի հետևանքով զոհվել է 80-ից ավելի մարդ, այդ թվում՝ 28 երեխա, ևս 41 մարդ համարվում է անհայտ կորած։ Իշխանությունները մտավախություն ունեն, որ զոհերի թիվը կաճի, հայտնում է BBC-ն։
Նահանգի մի քանի շրջանում արտակարգ դրություն են հայտարարել։ Շատ ճանապարհներ քանդված են, հեռախոսագծերը չեն գործում։
Առաջիկա 24-48 ժամվա ընթացքում տարածաշրջանում սպասվում են ավելի շատ փոթորիկներ, ինչը կարող է խոչընդոտել փրկարարական խմբերի աշխատանքը, որոնք ցեխի ու աղբի միջով անցնելիս հանդիպում են թունավոր օձերի։
ԱՄՆ նախագահ Դոնալդ Թրամփը հայտարարել է, որ իր վարչակազմը սերտորեն համագործակցում է նահանգային իշխանությունների հետ։ Նրա հանձնարարությամբ Տեխաս է մեկնել ԱՄՆ ներքին անվտանգության նախարար Քրիստի Նոեմը։
Նախագահ Թրամփը հայտարարել է, որ նախատեսում է հուլիսի 11-ին այցելել Տեխասի ջրհեղեղներից ամենաշատ տուժած շրջաններ։