Վրաստանի խորհրդարանը շրջանցել է «Օտարերկրյա ազդեցության թափանցիկության մասին» օրենքի դեմ նախագահի վետոն

Վրաստանի խորհրդարանը 84 կողմ ձայներով շրջանցել է «Օտարերկրյա ազդեցության թափանցիկության մասին» օրենքի դեմ նախագահ Սալոմե Զուրաբիշվիլու վետոն:

Վետոն հաղթահարելու համար անհրաժեշտ էր 150 պատգամավորից 76-ի կողմ ձայնը։

Նշվում է, որ օրենքն ուժի մեջ կմտնի հրապարակվելու հաջորդ օրը։ Վերջնականապես ուժի մեջ մտնելու համար օրենքը պետք է ստորագրի Վրաստանի նախագահը: Եթե նա հրաժարվի, օրենքը կստորագրի խորհրդարանի նախագահը։ Օրենքի գործողությունը կասեցնելու համար ընդդիմությունը կարող է դիմել Սահմանադրական դատարան:

Վրաստանի խորհրդարանի շենքի մոտ շարունակվում են բողոքի ակցիաները: Ցուցարարները դժգոհություն են հայտնում օրենքի վերջնական ընդունման կապակցությամբ:

Related posts

Թեհրանում ՀՀ դեսպանությունը կապի մեջ է Իրանի իշխանության հետ հայերի շրջանում զոհերի և վիրավորների հարցով. ԱԳՆ

ԱՄՆ-ն ռազմական ուժեր է տեղափոխում Մերձավոր Արևելք. AP

Վարչապետը և GLOBSEC 2025-ի տնօրենների խորհրդի նախագահը քննարկել են հետագա համագործակցությանը վերաբերող հարցեր