ՌԴ Վորոնեժի մարզի նահանգապետ Ալեքսանդր Գուսևը հայտնել է անօդաչու թռչող սարքի ընկնելու հետևանքով տուժածների թվի աճի մասին։
«Ապակի բեկորները վնասել են 3 հոգու, որոնց տեղում օգնություն է ցուցաբերվել. մարդիկ հրաժարվել են հոսպիտալացումից»,- գրել է Գուսևը Telegram-ի իր ալիքում։
«Տեղում աշխատում են ԱԴԾ-ն, ԱԻՆ-ը և այլ հատուկ ծառայություններ, ես խորհրդակցություն եմ անցկացնում՝ միջադեպը վերլուծելու համար»,- նշել է նա։
Ավելի վաղ պաշտոնյան հայտնել էր, որ ուրբաթ Վորոնեժի Բելինսկի փողոցում անօդաչու թռչող սարք է ընկել։